Қарағанды қалалық «Хазрет Али» мешітінде жастарға арналған танымдық дәріс ұйымдастырылды.

Дәріс барысында «Бабалар ізімен: Қазақ даласындағы мұсылмандық мектеп» кітабы негізінде тәрбиелік әрі тарихи мазмұндағы мағлұматтар айтылды. Жастарға ата-бабаларымыздың дін жолындағы ұстанымы мен қазақ топырағындағы мұсылмандық мектептердің тарихы кеңінен баяндалды.

Дәрісті мешіттің наиб имамы Асылбек Жұпархан жүргізді. Ол тағылымды ойларымен бөлісіп, дін мен дәстүр сабақтастығын нақты деректермен түсіндірді.

Іс-шараның негізгі мақсаты – жас буынға имандылық құндылықтарын сіңіру, ұлттық рух пен діни сананы күшейту болды.

ҚМДБ Қарағанды облысы өкілдігінің баспасөз қызметі