Қарағанды қалалық «Төлеутай ата» мешітінің имамы Рауан Төлеубекұлының ұйытқы болуымен мешіт жамағаты табиғат аясында рухани-танымдық және тәрбиелік бағыттағы басқосу өткізді.

Іс-шара «Дархан дала» жобасы аясында ұйымдастырылды. Жоба шеңберінде жамағат таза ауада серуендеп, имани уағыз-насихат тыңдады, спорттық ойындар ойнап, салауатты өмір салтын ұстанудың маңыздылығы жайлы ой өрбітті.

Мұндай басқосулар жамағаттың ынтымағын арттырып қана қоймай, рухани серпіліс беріп, табиғатпен үйлесімді өмір сүруге үндейді.

ҚМДБ Қарағанды облысы өкілдігінің баспасөз қызметі