Қарағанды облысы, Бұқар Жырау аудандық «Жыржыс қажы» мешіті жанындағы мәйітханаға кондиционер орнатылды. Игі іс аудан имамы Рүстем Мұратұлының бастамасымен және жергілікті жамағаттың демеушілігімен жүзеге асты.

Бұл қайырымды қадам марқұмдарды соңғы сапарға шығарып салу барысында санитарлық талаптар мен қолайлы жағдай жасауға бағытталған. Әсіресе жаз мезгіліндегі аптап ыстықта мәйітхана температурасын бірқалыпты сақтау үшін кондиционердің маңызы зор.

Мешіт ұжымы мен жамағат сауапты іске үлес қосқан барша азаматтарға шынайы алғыс білдіреді. Осындай игі бастамалар мешіт қызметінің өркендеуіне, ел ішінде жанашырлық пен ортақ жауапкершілік сезімін нығайтуға жол ашады.

ҚМДБ Қарағанды облысы өкілдігінің баспасөз қызметі