Қарағанды қалалық «Төлеутай ата» мешітінде шатырды күрделі жөндеу жұмыстары басталды. Игі іс мешіттің бас имамы Рауан Төлеубекұлының бастамасымен жүзеге асу үстінде. Қайырымды іске өңір жамағаты мен демеуші азаматтар бірлесіп қолдау білдірді.

Уақыт өте келе тозығы жеткен мешіт шатыры бүгінде толықтай жаңартылып, бұл тек сыртқы көркіне ғана емес, сонымен қатар техникалық қауіпсіздігіне де оң әсерін тигізбек. Жөндеу жұмыстарының басты мақсаты – жамағатқа жайлы әрі қауіпсіз ғибадат орнын қалыптастыру, сондай-ақ мешіттің ұзақ мерзімді әрі тиімді қызмет етуін қамтамасыз ету.

Мешіт имамы Рауан Төлеубекұлы жамағаттың бірлігі мен жанашыр демеушілердің қолдауы арқылы іске асып жатқан бұл сауапты іске үлес қосқан барша азаматтарға алғысын білдірді.

Айта кетейік, «Төлеутай ата» мешіті – қала тұрғындарының жиі жиналатын құлшылық ордасы ғана емес, сонымен қатар тұрақты түрде рухани және тәрбиелік іс-шаралар өтетін маңызды діни орталық саналады.

ҚМДБ Қарағанды облысы өкілдігінің баспасөз қызметі