Қарағанды облысына қарасты Бұқар жырау аудандық «Жыржыс қажы» мешітінде жат діни ағымдардың алдын алуға бағытталған түсіндіру іс-шарасы ұйымдастырылды.

Игі бастама мешіттің бас имамы Рүстем Мұратұлының ұйытқы болуымен жүзеге асты.

Кездесу барысында мешіт жамағатына дәстүрлі ислам құндылықтары мен елімізде таралу қаупі бар теріс ағымдардың белгілері жан-жақты түсіндірілді. Имам Рүстем Мұратұлы қатысушыларға ханафи мәзһабы мен матуриди сенім мектебінің ұстанымдарын кеңінен таныстырып, жат идеологиялардан сақтану жолдарын нақты мысалдармен түсіндіріп берді.

Іс--шара соңында жамағат тарапынан түрлі сұрақтар қойылып, өзара пікір алмасу өтті. Қатысушылар қоғам тұрақтылығы мен діни тұтастықты сақтау жолында осындай түсіндіру жұмыстарының маңыздылығын атап өтіп, ұйымдастырушыларға ризашылықтарын білдірді.

ҚМДБ Қарағанды облысы өкілдігінің баспасөз қызметі