Шет ауданы, Ақадыр кентіндегі «Иса молла» мешітінде әйел жамағатына арналған рухани кездесу өтті.

Мешіт ұстазы Алия Рахманқызы «Ата-анаға құрмет жасау әрі оларға бағыну» тақырыбында уағыз насихат жүргізді. Дәріс барысында ұстаз ата-ананың разылығын алудың дүниелік те, ақыреттік те берекеге бастайтынын тілге тиек етті.

Сонымен қатар Құран аяттары мен Пайғамбар (оған Алланың салауаты мен сәлемі болсын) хадистеріне сүйене отырып, перзенттің ата-ана алдындағы міндеттері кеңінен түсіндірілді.

Жамағат уағыздан тағылым алып, жүрекке қонымды насихат үшін ұстазға алғыстарын білдірді.

ҚМДБ Қарағанды облысы өкілдігінің баспасөз қызметі