Қарағанды облысы, Шет ауданына қарасты Еркіндік ауылының жамағаты саламатты өмір салтын насихаттау, ауызбіршілік пен бауырмалдықты арттыру мақсатында ауылдағы футбол алаңында бас қосты.

Игі бастама аясында ауыл жастары мен үлкендері футбол ойынын өткізіп, спорт арқылы денсаулықты күту, бірлікті нығайту, бос уақытты тиімді өткізу секілді маңызды құндылықтарды дәріптеді.

— Спорт — денсаулық кепілі ғана емес, ол татулық пен достықты нығайтатын игі құрал. Ауыл жамағатының осындай іс-шараларда бір мүдде жолында бас қосуы — жастарға үлгі, қоғамға өнеге, — деді ауыл имамы.

Жиналған көпшілік ұйымдастырылған бұл спорттық ойынның тәрбиелік мәніне оң бағасын беріп, осындай игі басқосулардың дәстүрге айналуын тілге тиек етті. 

ҚМДБ Қарағанды облысы өкілдігінің баспасөз қызметі