Қарағанды қалалық «Хазрет Али» мешітінде мешіт жамағатына арналған «Ынтымағы жарасқан жанұя» тақырыбында тәрбиелік мәні зор уағыз-насихат іс-шарасы өтті.

Уағызды мешіттің наиб имамы Таңат Тілманов жүргізіп, отбасындағы өзара құрмет, сүйіспеншілік, түсіністік сынды құндылықтардың маңыздылығына тоқталды. Сонымен қатар үй ішіндегі берекенің дініміздегі орны, ер мен әйелдің міндеттері мен бала тәрбиесіндегі ата-ананың рөлі жайында кеңінен баяндады.

— Берекелі әулет — қоғамның негізі. Ынтымақ пен түсіністік бар жерде Алланың да берекеті болады. Дініміз отбасылық қатынастарды ерекше дәріптейді. Сондықтан әрбір жанұя мүшесі өз міндетін адал атқаруға тырысуы тиіс, — деді наиб имам Таңат Тілманов.

Жамағат тарапынан қойылған сұрақтарға жауап беріліп, насихат соңында ізгі тілектер айтылды.

ҚМДБ Қарағанды облысы өкілдігінің баспасөз қызметі