«Төлеутай ата» мешітінде рухани құндылықтарды насихаттау жөнінде жиын өтті

Қарағанды қалалық «Төлеутай ата» мешітінің имамы Рауан Төлеубекұлының ұйымдастыруымен «ҚМДБ-ның рухани құндылықтарды насихаттаудағы рөлі» тақырыбында арнайы жиын өтті.

Жиынға мешіт қызметкерлері қатысып, еліміздің рухани тұрақтылығы мен бірлігін сақтауда Қазақстан мұсылмандары діни басқармасының жүйелі жұмыстары, имани құндылықтарды насихаттаудағы орны және дін қызметкерлерінің жауапкершілігі жайында кеңінен сөз қозғалды.

Имам Рауан Төлеубекұлы ҚМДБ тарапынан қабылданған ресми құжаттардың мазмұны мен мәніне тоқталып, олардың дін қызметкерлерінің күнделікті жұмысына тигізер әсерін нақты мысалдармен түсіндіріп өтті.
— ҚМДБ бекіткен әр құжат — еліміздегі діни тұрақтылықты, бірізділікті сақтау үшін маңызды құрал. Рухани құндылықтарды дұрыс насихаттау арқылы қоғамда имандылықтың орнығуына үлес қосамыз. Әр қызметкер осы бағытты берік ұстануы тиіс, — деді ол өз сөзінде.

Жиын соңында мешіт қызметкерлері пікір алмасып, бұл бағыттағы жұмыстарды жүйелі жалғастыруға уағдаласты.

ҚМДБ Қарағанды облысы өкілдігінің баспасөз қызметі

ChatGPT-ден сұрау