Center Image
IHSAN.KZ
Бұқар Жырау ауданында тарихи орынға тағылымды зиярат ұйымдастырылды
Бұқар Жырау ауданында тарихи орынға тағылымды зиярат ұйымдастырылды

Қарағанды облысына қарасты Бұқар Жырау аудандық «Жыржыс қажы» мешітінің имамы Рүстем Мұратұлының ұйымдастыруымен «Дархан Дала» жобасы аясында тарихи-танымдық іс-шара өтті. Жоба барысында мешіт шәкірттері көне тарихи орын — «Едіге бидің билік тасы» орналасқан мекенге арнайы зиярат жасады.

Игі бастаманың мақсаты — жас буынға ұлттық тарихымызды, ата-бабадан қалған рухани-мәдени мұраларды насихаттау, дәстүрлі діни тәрбиемен қатар тарихи сананы қалыптастыру. Сондай-ақ елдің өткенінен тағылым алып, болашаққа дұрыс бағыт ұстануға үндеу болды.

Айта кетейік, «Дархан Дала» жобасы Бұқар Жырау аудандық «Жыржыс қажы» мешітінің бастамасымен тұрақты түрде жүзеге асып келеді. Жобаның негізгі мақсаты — жастарға ата-баба дәстүрін, тарихи құндылықтарды дәріптеу арқылы рухани тәрбие беру, ұлттық сананы жаңғырту және туған жердің киелі орындарын таныту.

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz