Қарағанды облысына қарасты Бұқар Жырау аудандық «Жыржыс қажы» мешітінде аула абаттандыру және көгалдандыру жұмыстары ұйымдастырылды. Игі істі мешіттің бас имамы Рүстем Мұратұлының бастамасымен мешіт жамағаты жұмыла атқарды.

Көгалдандыру жұмыстары аясында мешіт ауласына гүлдер отырғызылып, жасыл желек жайқалатын арнайы орындар дайындалды. Сонымен қатар мешіт маңы тазартылып, сәндік безендіру жұмыстары атқарылды.

Бұл бастаманың негізгі мақсаты — Алла үйінің тазалығы мен көркемдігіне мән беру арқылы жамағатқа үлгі көрсету, қоршаған ортаны аялауға үндеу және мешіт ауласын көркейту болды.

Жамағат бұл игі іске қолдау білдіріп, мешіттің көркеюіне белсенді түрде атсалысты. Іс-шара соңында жиналған көпшілік ел амандығы мен берекесі үшін арнайы дұға жасады.

ҚМДБ Қарағанды облысы өкілдігінің баспасөз қызметі