Қарағанды облысы, Балқаш қалалық мешітінде жазғы «Имани жаз – 2025» діни сауат ашу курсы өз жұмысын сәтті тәмамдады.

Сауат ашу курсына 25 қыз және 15 ер бала қатысып, жас ерекшеліктеріне қарай екі топқа бөлініп оқытылды. Сабақ соңында барлық шәкірттен емтихан сынағы алынып, білім деңгейі бағаланды.

Мешіттің имамы Нұрболат Сейлханұлы Қалдарбеков шәкірттерді курс аяқталуымен құттықтап, жақсы нәтиже көрсеткен оқушыларды арнайы марапаттады. Үлкен және кіші топтан үздік шыққан 6 балаға сыйлықтар мен сертификаттар табысталды. Бірінші орын иегеріне планшет, екінші орынға велосипед, үшінші орынға самокат сыйға берілді.

Жас өрендерге рухани тәрбие беруге арналған бұл игі іс-шара ата-аналар мен жамағат тарапынан жоғары бағаланды.

ҚМДБ Қарағанды облысы өкілдігінің баспасөз қызметі