Ілім алу, сауатты болу – Ислам дінінің басты талаптарының бірі. Қарағанды қаласындағы «Әл-Машани» мешітінде тәжуид ережелері бойынша дәріс алып жүрген шәкірттер оқу жылының қорытынды сынағын сәтті тапсырды.

Сынақ барысында шәкірттер өз білімдерін көрсету үшін үлкен дайындықпен келіп, берілген тапсырмаларға жинақы әрі нақты жауап берді. Сынақ олардың ойлау қабілеті мен білім деңгейін бағалауға бағытталды.

— Сынақ — бұл тек білімді тексеру ғана емес, сонымен қатар шыдамдылық пен жауапкершілікті де талап ететін маңызды кезең, — деген іс-шара барысында пікір айтылды .

Айта кету керек, тұрақты қатысып жүрген жастармен қатар, ақ жаулықты әжелеріміз де ерекше ықыласпен білім алып, кейінгі ұрпаққа өнегелі үлгі көрсете білді.

ҚМДБ Қарағанды облысы өкілдігінің баспасөз қызметі