Қарағанды қалалық «Қазыбек би» мешітіне жаңадан имам болып тағайындалған Асылхан Нұртайұлы Темірханов мешіт ұжымымен алғашқы ресми кездесуін өткізді.

Жиын барысында жаңа имам мешіттің дін қызметкерлерімен, бөлім басшыларымен жеке танысып, мешіттің ішкі және сыртқы қызметін айқындау мақсатында арнайы мәжіліс ұйымдастырды.

Кездесу кезінде Асылхан Нұртайұлы ұжым алдына нақты міндеттер қойып, мешіт жұмысының жүйелі және нәтижелі жүргізілуі үшін алдағы жоспарларын бөлісті. Атап айтқанда, жамағатқа көрсетілетін қызмет сапасын арттыру, мешіт ауласы мен ішінің тазалығы мен тәртібін сақтау, діни дәрістер мен рухани іс-шараларды тұрақты әрі мазмұнды өткізу, сондай-ақ жастармен жұмысты жандандыру қажеттігін ерекше атап өтті.

Кездесу соңында мешіт қызметкерлері жаңа имамға сәттілік тілеп, ортақ мақсат жолында жұмыла жұмыс істеуге уағдаласты.

ҚМДБ Қарағанды облысы өкілдігінің баспасөз қызметі