Қарағанды қалалық «Әл-Ғаффар» мешітінде жамағаттың рухани білімін арттыру мақсатында ерлер намазхана залына арнайы кітап сөрелері орнатылды.

Жаңа сөрелерге Құран Кәрім, діни әдебиеттер мен насихаттық еңбектер қойылып, жамағатқа қолжетімді әрі еркін оқу мүмкіндігі жасалды. Бұл игі бастама мешіт жанындағы діни-ағартушылық қызметтің бір бөлігі ретінде жүзеге асып отыр.

Мешіт ұжымы алдағы уақытта кітап қорын жаңартып, мазмұнды рухани әдебиеттермен толықтыру жұмыстарын жалғастыратынын мәлімдеді. Игі ниет жамағаттың бос уақытын тиімді өткізуге әрі ислам құндылықтарын тереңірек тануға сеп болмақ.

ҚМДБ Қарағанды облысы өкілдігінің баспасөз қызметі