Қарағанды қалалық «Төлеутай ата» мешітінің наиб имамы Дархан Түменбай Әлихан Бөкейхан ауданының өрт сөндіру бөлімінде қызмет атқаратын мамандармен кездесу өткізді.

Кездесудің негізгі мақсаты – дәстүрлі Ислам дінінің құндылықтарын насихаттау, қоғамдағы діни тұрақтылықты сақтау және түрлі жат ағымдардың алдын алу болды.

Өз сөзінде Дархан Түменбай Қазақстан мұсылмандары діни басқармасының ұстанған бағыты, ата-бабамыздан жалғасқан дәстүрлі Әбу Ханифа мәзһабының ерекшеліктері, қазақ даласындағы Ислам тарихы туралы кеңінен түсіндіріп өтті. Сондай-ақ қазіргі қоғамда белең алып отырған діни радикалдық және теріс ағымдардың белгілерін танып білу жолдарын нақты мысалдармен жеткізді.

Кездесу барысында өрт сөндіру қызметінің мамандары тарапынан көкейкесті сұрақтар қойылып, тұщымды жауаптар берілді. Қатысушылар мұндай кездесулердің өзекті әрі пайдалы екенін атап өтіп, алғыстарын білдірді.

Айта кетейік, бұл бағыттағы алдын алу шаралары алдағы уақытта да тұрақты түрде жалғасын табатын болады.

ҚМДБ Қарағанды облысы өкілдігінің баспасөз қызметі