Қарағанды қалалық «Төлеутай ата» мешітінде Қазақстан мұсылмандары діни басқармасының бастамасымен бекітілген «Зират және зиярат» мәдениеті тақырыбында дәріс өтті. Игі іс-шараны мешіттің наиб имамы Дархан Түменбай жүргізді.

Дәріс барысында имам жамағатқа зират әдебі мен зиярат жасау мәдениеті, марқұмның артынан дұға бағыштау, қабір басына бару тәртібі және сол жердегі шариғатқа сай ұстанымдар жөнінде кеңінен түсіндіріп берді. Сонымен қатар қазіргі қоғамда жиі кездесетін орынсыз ысырап пен шариғатқа қайшы әрекеттерден сақтану қажеттігі де атап өтілді.

Сондай-ақ зират басында орын алатын жиі қателіктер мен оларды шариғат тұрғысынан дұрыс орындау жолдары нақты мысалдармен түсіндірілді.

Дәріс соңында жамағат тарапынан қойылған сұрақтарға тұшымды жауаптар берілді. Қатысушылар дәрістің өзекті әрі пайдалы болғанын айтып, ұйымдастырушыларға ризашылықтарын білдірді.

ҚМДБ Қарағанды облысы өкілдігінің баспасөз қызметі