Қарағанды облысына қарасты Абай аудандық орталық мешітінде «Дін мен дәстүр» аясында ұлттық құндылықтарды дәріптеу мақсатында арнайы рухани-танымдық іс-шара өткізілді. Онда мешіт шәкірттері қатысты.

Игі бастама барысында балалардың ой-өрісін кеңейту, салт-дәстүрімізге деген құрметін арттыру және ұлттық құндылықтарға баулу мақсатында асық ату сынды ұлттық ойын ұйымдастырылды. Асық ату – қазақ халқының көне әрі тәрбиелік мәні зор ұлттық ойыны. Бұл ойын жасөспірімдердің ептілігі мен дәлдігін, төзімділігі мен шыдамдылығын шыңдайды.

Спорттық сайыс кезінде мешіт ұстаздары шәкірттерге ата-баба дәстүріндегі ұлттық ойындардың тәрбиелік қыры, оның Исламдағы шариғи тұрғыдан зиянсыз әрі пайдалы екендігі туралы түсіндіріп өтті. Сондай-ақ шариғат пен дәстүрдің үйлесімділігі жайлы да кеңінен мәлімет берілді.

ҚМДБ Қарағанды облысы өкілдігінің баспасөз қызметі