Center Image
IHSAN.KZ
Топар кентінде «Имани жаз – 2025» жазғы сауат ашу курсы аяқталды
Топар кентінде «Имани жаз – 2025» жазғы сауат ашу курсы аяқталды

Қарағанды облысы, Абай ауданына қарасты Топар кенті мешітінде шәкірттерге арналған дәстүрлі «Имани жаз – 2025» жазғы сауат ашу курсы өз мәресіне жетті.

Курс барысында балаларға Құран әліппесі мен тәжуид ережелері, намаз оқу тәртібі, күнделікті дұғалар мен әдеп-ахлақ сабақтары үйретілді. Сонымен қатар дін мен дәстүр сабақтастығы кеңінен түсіндіріліп, Ислам дінінің адамгершілік құндылықтары насихатталды.

Курс соңында Топар кенті мешітінің имамы Мурсали Қаленұлы шәкірттерге арнайы сертификаттар табыстап, ізгі тілегін жеткізді.

Балалар тек діни білім алып қана қоймай, танымдық ойындар ойнап, насихат тыңдап, өзара достық қарым-қатынасты нығайтты. Шәкірттердің бұл курсқа деген қызығушылығы жоғары болды.

Айта кетейік, Топар кенті мешітінде мұндай жазғы діни сауат ашу курстары жыл сайын дәстүрлі түрде өткізіліп келеді. Бұл игі бастама алдағы жылдары да өз жалғасын табады.

ҚМДБ Қарағанды облысы өкілдігінің баспасөз қызметі


Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz