Қарағанды қалалық «Әл-Ғаффар» мешітінің имамы Ермахан Оралбай «Үлкен күнә істеген мұсылман діннен шыға ма?» тақырыбында танымдық уағыз-насихат жүргізді.

Уағыз барысында исламдағы күнә ұғымы, үлкен және кіші күнәлардың ара-жігі, сондай-ақ күнә жасаған мұсылманның сенімі мен діни мәртебесіне қатысты мәселелер кеңінен түсіндірілді. Имам Ханафи мәзһабы мен әһлі сүннет ғұламаларының пікірлеріне сүйене отырып, күнә жасаған адам күпірлікке бармаған жағдайда діннен шықпайтыны, бірақ міндетті түрде тәубе етіп, түзелуі қажет екені аталып өтті.

Іс-шараның басты мақсаты — жамағаттың діни сауатын арттыру, сенім мәселесінде шектен шығушылықтан сақтандыру және дұрыс ақидаға үндеу болды.

ҚМДБ Қарағанды облысы өкілдігінің баспасөз қызметі