Қарағанды облысы, Шет ауданына қарасты Ақадыр кентіндегі «Иса молла» мешітінің ұйымдастыруымен әйел жамағатына арналған «Садақ ату – сүннетім» атты спорттық-рухани іс-шара өтті. Игі бастаманы мешіт ұстазы Әлия Рахманқызы ұйымдастырды. 

Іс-шараның негізгі мақсаты – саламатты өмір салтын насихаттау, сүннет амалды жаңғырту, сондай-ақ әйел-қыздар жамағатының белсенділігін арттыру.

Сайыс барысында қатысушылар садақ ату өнеріндегі шеберліктерін көрсетіп, мергендік, сабырлылық, зейінділік сынды қасиеттерін шыңдай түсті. Ұйымдастырушылар бұл бастаманың тек спорттық емес, тәрбиелік мәні зор екенін атап өтті.

Жамағат осындай бастамалардың дәстүрге айналуына ниет білідріп, мешіт ұстазына алғыстарын айтты.

ҚМДБ Қарағанды облысы өкілдігінің баспасөз қызметі