Қарағанды қалалық «Төлеутай ата» мешітінде «Бабалар ізімен: Қазақ даласындағы мұсылмандық мектеп» атты кітап аясында рухани-танымдық дәріс ұйымдастырылды.

Дәрісті мешіттің наиб имамы Дархан Түменбей жүргізіп, жамағатқа қазақ даласындағы мұсылмандық мектептердің тарихы, діни білім ордаларының қалыптасу кезеңдері мен олардың рухани-мәдени маңызы туралы кеңінен мағлұмат берді.

Сондай-ақ, дәріс барысында ата-бабалар ұстанған дәстүрлі ислам құндылықтары мен қазіргі қоғам арасындағы рухани сабақтастық жайы да кеңінен қозғалды. Қатысушылар көкейде жүрген сұрақтарына жауап алып, дін мен тарих төңірегінде мол мәліметке қанықты.

Мешіт тарапынан мұндай тағылымды дәрістер алдағы уақытта да тұрақты түрде жалғасын табатын болады.

ҚМДБ Қарағанды облысы өкілдігінің баспасөз қызметі