Қарағанды облысы, Шет ауданына қарасты Ағадыр кентіндегі «Иса молла» мешітінде тазалық жұмыстары тұрақты түрде атқарылып келеді.

Аталған сенбілік жұмыстары мешіттің имамы Азамат Серікұлының ұйымдастыруымен өтті. Тазалық жұмысы барысында мешіт ауласы күл-қоқыстан тазартылып, жасыл желектерге күтім жасалды. Сонымен қатар мешіттің ішкі және сыртқы аумақтарын ретке келтіру, тазалау жұмыстары жүргізілді.

Имам Азамат Серікұлы мұндай іс-шаралар жамағат үшін сауапты іс екенін атап өтіп, мешіт аумағының әрдайым таза әрі көрікті болуы – әрбір мұсылманның ортақ жауапкершілігі екенін жеткізді.

Сенбілікке мешіт жамағаты белсенді түрде атсалысып, бірлесе жұмыла еңбек етті. Бұл жұмыстардың мақсаты – құлшылық ордасын абаттандырып, жамағат үшін қолайлы, таза әрі көркем орта қалыптастыру.

Мешіт тарапынан осындай қайырлы істер алдағы уақытта да жалғасын табады.

ҚМДБ Қарағанды облысы өкілдігінің баспасөз қызметі