Абай ауданы, Қарабас кенті мешітінің имамы Шарифулла Шадиев аудандық төтенше жағдай қызметкерлерімен, өрт сөндіру бөлімінің мамандарымен кездесті. Кездесу барысында ол жат діни ағымдардың зияны мен олардың қоғамға төндіретін қауіптері туралы түсіндіріп, сақтанудың жолдарын насихаттады.

Басқосу барысында қатысушылар радикалды идеологиялардың белгілері, олардан қорғану әдістері, сондай-ақ діни сауаттылықтың маңыздылығы жайында мағлұмат алды. Имам ҚМДБ ұстанымы мен дәстүрлі Ислам жолын ұстанудың маңызын атап өтті.

Бұл іс-шара халықтың діни қауіпсіздігін қамтамасыз ету және діни экстремизмнің алдын алу бағытындағы жұмыстардың бір бөлігі ретінде ұйымдастырылды.

ҚМДБ Қарағанды облысы өкілдігінің баспасөз қызметі