Қарағанды облысы, Абай ауданына қарасты Топар кентіндегі «Жұмабек Тәшен» мешітінің ауласында жамағатқа қолайлы жағдай жасау мақсатында арнайы көлік тұрағы орнатылды.

Игі бастама мешіт имамы Мурсали Қаленұлының ұйымдастыруымен жүзеге асты. Бұл жұмыс жамағаттың ұсынысын ескере отырып, мешіт ауласындағы көлік қозғалысын ретке келтіру және қауіпсіздік шараларын сақтау үшін атқарылды. 

Имам өз сөзінде:
«Жамағаттың жайлылығы мен мешіт ауласындағы тәртіпті сақтау үшін осындай жұмыстардың жүргізілуі аса маңызды. Алдағы уақытта да игі істер жалғасын табады» – деп атап өтті.

Жергілікті жамағат бұл игі істі қуана қабылдап, мешіт ұжымына ризашылықтарын білдірді.

ҚМДБ Қарағанды облысы өкілдігінің баспасөз қызметі