Қарағанды қалалық «Қазыбек би» мешітінің имамдық қызметіне жаңадан тағайындалған Асылхан Нұртайұлы қызметіндегі алғашқы жұма намазын өткізді.

Жұма күні жамағатқа арналған уағыз «Разылықтың сауабы» тақырыбында айтылды. Имам өз сөзінде Алланың разылығына жетудің жолдары, адам баласының шынайы ықыласы мен сабыры, сондай-ақ разылық үшін жасалатын ізгі амалдардың маңызы туралы кеңінен түсіндірді.

«Адам баласы қандай да бір амалында тек Раббысының разылығын көздесе, сол ісінің сауабы еселеніп жазылады. Бүгінгі қоғамда шынайы ықылас пен ризашылық сезімін ұмытпай, әрбір ісімізді сауап ниетімен жасауымыз керек», – деді Асылхан Нұртайұлы.

Жамағат жаңа имамның алғашқы жұма уағызынан рухани әсер алып, ризашылықтарын білдірді.

Айта кетейік, Асылхан Нұртайұлы жуырда ғана Қарағанды қалалық «Қазыбек би» мешітінің имамы қызметіне тағайындалған болатын.

ҚМДБ Қарағанды облысы өкілдігінің баспасөз қызметі