Қарағанды облысына қарасты Қарқаралы аудандық «Құнанбай қажы» мешітінің имамы Митератбек Орынбекұлының ұйымдастыруымен «Дархан дала» жобасы аясында мешіт шәкірттеріне арналған табиғат аясындағы рухани-танымдық кездесу өтті.

Игі шараның басты мақсаты – жас буынның рухани және дене саулығын нығайту, табиғатпен үндестікте демалыс өткізу арқылы имани тәрбие беру.

Кездесу барысында шәкірттер имандылық, адамгершілік пен тәртіп туралы тағылымды уағыз-насихат тыңдап, рухани дүниесін байытты. Сонымен қатар түрлі спорттық ойындарға қатысып, бір-бірімен етене араласып, көтеріңкі көңіл күймен уақыт өткізді.

Аталған іс-шара шәкірттердің ұйымшылдық, достық және бауырмалдық қасиеттерін арттыруға ықпал етті.

ҚМДБ Қарағанды облысы өкілдігінің баспасөз қызметі