Қарағанды облысы, Саран қалалық мешітінде ер балалар мен қыз балалар арасында «Алланың 99 көркем есімін» жатқа айтудан сайыс ұйымдастырылды.

Игі іс-шара Саран қалалық мешітінің имамы Мұсабеков Нұржігіт Оразалыұлының ұйытқы болуымен өтті. Сайыстың негізгі мақсаты – шәкірттердің діни білімін арттыру, Алланың көркем есімдерін танып-білуге ықпал ету.

Сайысқа Саран қалалық мешіті мен Ақтас кентіндегі «Ерімбет ата» мешітінің шәкірттері қатысып, білімдері мен жаттау қабілеттерін сынады.

Жарыс нәтижесі бойынша:
Ер балалар арасында:

І орын – Фазуллаұлы Хикматулла

ІІ орын – Полатов Нурилло

ІІІ орын – Бекболатұлы Фазлулла

Қыз балалар арасында:

І орын – Оразалы Кәусар

ІІ орын – Аманжолқызы Асенат

ІІІ орын – Евгеньевна Амина

Бұл игі іс-шара шәкірттердің ынтасын арттырып, олардың діни сауатын жетілдіруге зор үлес қосты.
Алла Тағала баршамыздан разы болсын.

ҚМДБ Қарағанды облысы өкілдігінің баспасөз қызметі