Қарағанды облысы, Бұқар жырау аудандық «Жыржыс қажы» мешітінде «Ынтымағы жарасқан жанұя» тақырыбында имани насихат айтылды.

Аталған насихаттық кездесу Қазақстан мұсылмандары діни басқармасының 2025 жылды «Ислам және отбасы құндылықтары жылы» деп жариялауына орай ұйымдастырылды.

Жамағатпен өткен басқосуда мешіт имамы Рүсем Мұратұлы отбасының қоғамдағы орны, ер мен әйелдің бір-біріне деген құрметі, бала тәрбиесіндегі ата-ананың жауапкершілігі, сондай-ақ мұсылман отбасына тән имани әдеп пен тәртіп жөнінде тағылымды уағыз-насихат жүргізді.

Жиын соңында жамағат имамға алғыстарын білдіріп, осындай пайдалы кездесулердің алдағы уақытта да жиі өтіп тұруын тілге тиек етті.

ҚМДБ Қарағанды облысы өкілдігінің баспасөз қызметі