Қарағанды облысы, Шет аудандық «Жанқұтты би» мешітінде балаларға арналған дәстүрлі «ИМАНИ ЖАЗ – 2025» жазғы сауат ашу курсы өз жалғасыа жатыр.

Аталған курстың мақсаты – жас ұрпаққа Құран әліппесін үйрету, дұрыс діни білім беру, имандылық тәрбиесін сіңіру, сондай-ақ отансүйгіштік пен адами құндылықтарды насихаттау.

Сабақтар барысында шәкірттерге Құран оқудың негіздері, намаз оқу тәртібі, мұсылман әдебі, ата-анаға құрмет, көркем мінез секілді тақырыптар түсіндіреді. Сонымен қатар балалар арасында танымдық ойындар мен викториналар ұйымдастырылып, олар сабақтарға белсенді түрде атсалып келеді.

Мешіт ұстаздары сабақты тәрбиелік мәні бар әңгімелермен және пайдалы кеңестермен толықтырып, балалардың білімге деген қызығушылығын арттырды.

Курс соңында шәкірттерге арнайы сертификаттар мен сыйлықтар табыстау жоспарланған.

ҚМДБ Қарағанды облысы өкілдігінің баспасөз қызметі