Қарағанды облысы, Шет аудандық «Жанқұтты би» мешітінде «Ынтымағы жарасқан жанұя» тақырыбы аясында отбасылық сұрақ-жауап эстафетасы ұйымдастырылды.

Іс-шараның негізгі мақсаты – отбасы мүшелерінің имани білімін арттыру, ата-ана мен бала арасындағы рухани байланысты нығайту, діни сауаттылықты дамыту және жамағат арасында бірлік пен бауырмалдықты күшейту.

Эстафета барысында әкелер мен ұлдар жұптасып, ислам негіздері, имандылық, әдеп, отбасылық құндылықтар мен Құран және сүннетке қатысты сұрақтарға жауап берді.

Іс-шара қызықты әрі тәрбиелік мәнде өтіп, қатысушылар өзара ынтымақ пен ұйымшылдық танытты. Жамағат тарапынан зор қолдау тауып, бұл бастама жайлы жағымды пікірлер айтылды.

ҚМДБ Қарағанды облысы өкілдігінің баспасөз қызметі