Қарағанды облысына қарасты Шет аудандық «Жанқұтты би» мешітінде қоғамда өзекті мәселелердің бірі – жат діни ағымдардың алдын алу мақсатында имани кездесу өтті.

Аталған іс-шара мешіт имамы Берік Алпысбайұлының ұйымдастыруымен жүзеге асырылды. Кездесу барысында имам түрлі теріс діни ағымдардың белгілері, олардың қоғамға, отбасыға және дінге тигізер зияны жөнінде кеңінен түсіндірме жұмыстарын жүргізді.

Жиын соңында жамағат көкейде жүрген сұрақтарын қойып, нақты әрі жан-жақты жауаптар алды. Сонымен қатар имам шынайы діни білімді тек мешіт ұстаздарынан алу қажеттігін атап өтіп, жамағатты мешітпен тығыз байланыста болуға шақырды.

ҚМДБ Қарағанды облысы өкілдігінің баспасөз қызметі