Қарағанды облысында жүзеге асып жатқан «Дархан дала» рухани-танымдық жобасы аясында Сеңкібай батыр мен Жидебай батыр мазарларына зиярат ұйымдастырылды.

Игі бастамаға Қарағанды қалалық мешіттерінің имамдары мен дін қызметкерлері қатысты. Зиярат барысында батыр бабалардың рухына Құран бағышталып, дұға жасалды.

Іс-шараның мақсаты – ұлт тарихында өшпес із қалдырған қаһарман тұлғалардың ерлігі мен елге сіңірген еңбегін ұлықтау, жастарға тарихи сана мен рухани тәрбие беру, сондай-ақ дін қызметкерлері арасындағы бірлікті нығайту.

Зиярат аясында имамдар мен дін қызметкерлері бірлік пен ынтымақтың, ата-баба аманатына адалдықтың маңызы жайында тағылымды уағыз-насихат жүргізді.

Қарағанды қалалық мешіттері осындай рухани бастамалар арқылы бабалар жолын дәріптеуді алдағы уақытта да жалғастыра бермек.

ҚМДБ Қарағанды облысы өкілдігінің баспасөз қызметі