Қарағанды қалалық «Төлеутай ата» мешітінде қайырымдылық бағытындағы кезекті игі іс ұйымдастырылды.

Іс-шара аясында мешіт ұжымы жалғызбасты анаға қолдау білдіріп, күнделікті тұрмысқа қажетті азық-түлік түрлері табысталды.

Бұл – Қазақстан мұсылмандары діни басқармасының бастамасымен еліміз бойынша тұрақты түрде жүзеге асып келе жатқан қайырымдылық жұмыстарының бір бөлігі.

Мешіт ұжымы сауапты істердің алдағы уақытта да жүйелі түрде жалғасатынын атап өтті.

ҚМДБ Қарағанды облысы өкілдігінің баспасөз қызметі