Теміртау қаласының орталық «Әлихан Бөкейхан» мешітінде «Дін мен дәстүр» аясында ұлттық құндылықтарды дәріптеуге бағытталған рухани-танымдық іс-шара ұйымдастырылды.
Онда мешіт шәкірттері асық ату, арқан тарту секілді ұлттық ойындар ойнап, ата-баба мұрасын жаңғыртуға атсалысты.
Игі бастаманың мақсаты – жас буынның бойына ұлттық рухты, дәстүрлі тәрбие мен діннің өзара сабақтастығын сіңіру, сондай-ақ мешіт шәкірттерінің бірлігін нығайту болды.
Мешіт ұжымы алдағы уақытта да осындай тағылымды шаралар легін жалғастыруды жоспарлап отыр.
ҚМДБ Қарағанды облысы өкілдігінің баспасөз қызметі