Теміртау қалалық орталық «Әлихан Бөкейхан» мешітінде жастар жамағатымен «Бір жиында бір пара оқу» атты дөңгелек үстел өтті. Игі басқосу Теміртау қаласының бас имамы Ақниет Салімбайұлының бастамасымен ұйымдастырылды.

Іс-шара барысында жастар Құранның бір парасын кезекпен оқып, рухани сұхбат құрып, имандылық жайлы ой-пікір алмасты. Сонымен қатар дін мен руханият төңірегінде маңызды тақырыптар талқыланып, бауырмалдық пен бірлікке үндейтін уағыздар айтылды.

Аталған игі бастама жастардың Құранға деген сүйіспеншілігін арттырып, мешітке деген ықыласын күшейтуді мақсат етті.

ҚМДБ Қарағанды облысы өкілдігінің баспасөз қызметі