Бүгін Ақтас кентіндегі «Ерімбет Ата» мешітінде өзге ұлт өкілі Ислам дінін қабылдап, мұсылман атанды.

Мұсылмандықты қабылдау рәсімін мешіттің әйел ұстазы Әмина Алмасқызы өткізіп, Ислам дінінің бес парызы мен шариғат негіздерін түсіндіріп, дұға жасап, хақ дінді таңдаған қадамына сауап тіледі.

Сонымен қатар мешіт шәкірттері жылы лебіздерін білдіріп, дұға жасады. Жаңадан Ислам дінін қабылдаушыға мешіт атынан арнайы сыйлық табысталды.

«Алланың қалауынсыз ешкім иман келтіре алмайды...»
(Құран, «Юнус» сүресі, 100-аят)

Алла мұсылман бауырларымыздың жүрегіне иман нұрын орнатып, Құран мен сүннет жолынан тайдырмасын!

ҚМДБ Қарағанды облысы өкілдігінің баспасөз қызметі