Балқаш қалалық мешітінің Бас имамы Аманжолов Марат қажы ақпан айының 19 жұлдызында ақсақал – молдалармен жиналыс өткізді. Жиналыс барысында қалалық мешіттің Бас имамы Марат қажы әрбір жерде ас бергенде, немесе өзге де рәсімдерде имам, молдаларды шақыруды дәстүрге айналған. Кейде осындай жағдайларда мешіт қызметкерлері жетіспей қалатын уақыттар көп кездеседі. Осындай жағдайда мешіт қызметткерлерінен тыс Құран оқитын молдалар да халыққа қызмет етеді. Ақсақал – молдаларға барған жерлерінде Бас мүфтиіміздің биылғы жылды «Дін және дәстүр» деп атауына байланысты молдалармен , уағыз – насихат айтып, дөрекілік көрсетпей халықпен сыпайы болуға, әдепті болуға және атқарылған діни іс – шараларға халықтың берген садақасына қанағат етіп, қаражат сұрамауға тапсырды. Сонымен қатар жаназа мәселесі жөнінде де сөз болды. Мәйітті жуындыру және оған киім пішу кезінде барлығы бір бағытта жүзеге асыруға шақырды. Дін жолында қызмет етудің артықшылықтары мен жемістеріне тоқтала келіп, жиналған молдаларға бастысы киім тазалығына тоқталып өтті. Бас имам тағы бір сөзінде: «Халық арасына мешіт атынан, рухани тұлға ретінде барып отырғаннан кейін, тазалық жағына мән беріп, таза жүрулеріңіз өте маңызды. Сондықтан тазалық  жағына мән беріңіздер. Кей кездерде асқа барған кей молдалар Құран оқығаны, ұзақ бата бергені үшін «баға» қойғаны туралы да естідік. Қазіргі таңда халқымыздың көзі ашық, көкірегі ояу білімді талап ететіндігіне байланысты молдаларымыздың білімін жетілдіру мақсатында аптасына 2 күн жүйелі түрде сабақ өткізілу жоспарға қойылды. Бас имам Марат қажы жиылған ақсақал – молдаларға жиналыс барысында уағыз-насихат айтып, қойған сұрақтарына жауап берді. Мұндай жиын алдағы уақытта да өтіп тұратыны айтылып, дұға жасалып жиналысты аяқтады.