Бұқар жырау ауданында Мәуліт мерекесі жоғары деңгейде аталып өтті.Көрсе көз тоярлықтай әсерлі де ғибратты өтуіне бастама болған бас имам Аманбол қажы Рымқұлұлы жан-жақты дайындалды. Құранмен басталған жиынға ҚМДБ-ның Қарағанды өңірі бойынша өкілі, Қарағанды облыстық мешіттің бас имамы Өмірзақ қажы Қазкенұлы ақ батасын беріп, жиналған жұртқа әсерлі уағыз айтты. Сондай-ақ өкіл имам аудан әкімі Қобжанов Н. С. мырзаға алғыс айтып, асыл дініміздің өркендеуіне қосып жүрген үлесіне ризалығын алғыс хатпен білдірді.Өз кезегінде аудан әкімі де Қобжанов Н. С. халықты құттықтап ағынан жарылды. Қарағанды облысы дін істері басшысы Нұркенов Қ. Қ. сахна төрінен Бұқар жыраулықтарды құттықтаса, арнайы шақырумен Астанадан келген «Хазірет Сұлтан» мешітінің бірінші орынбасары Қуат қажы Ерғалиұлы Пайғамбарымыздың (с.ғ.с.) ғибратты өмірінен өнегелі уағыз айтып елді ұйытты. Теміртау қаласынан келген Абай Ясир «Мүмкіндік» монологымен әр адамның осы дүниеде ақірет үшін мүмкіндігі бар екенін жеткізді. Елдің қошеметіне бөленген «Сәт тобы» да өз кезегінде сахнаға шыққаннан-ақ көпшіліктің жүрегінен орын алып мұңды, потриоттық әндерімен елді елең еткізді. «Сәт тобының» продюссеры аудан имамын сахна төріне шығарып рахметін айтты. Имамда «Сәт тобына» сәттілік тілеп ат мінгізді, мәуліттің құрметіне орай ұйымдастырылған облыстық деңгейдегі күресте белдескен балуандарға бағалы сый тігіп, оны Жанаарқа, Абай, Бұқар жырау аудандары еншілегенін айтып, Өнер мектебінің арасында өткен «Сүйікті отанымның мешіттері» атты байқауға қатысқан сегіз балаға Мадақтама беріп, Мәуліттің өз деңгейінде өтуіне үлес қосқан жерлестеріне ризалығын жеткізді. Осы кешке иненің жасауындай үлес қосқандарға да алғысым шексіз - деді. Жиналған жамағатқа діни дискілер таратып қонақтарға «Жібек жолы» мейрамханасында ас берілді.