Center Image
IHSAN.KZ
«80 сауапты іс» жобасы басталды

Асыл дініміздің адамзатқа айқындап көрсетіп берген ақиқат жолы ізгі істерді міндеттеп берген. Соның қатарында мейірімділіктен бастау алатын, екі дүние бақытына бөленуге себеп болатын қайырымдылықтың өзіндік орны бар. Жыл басынан бері осы негізде оннан астам қайырымдылық шараларын өткізген №1-мешітінің бас имамы Орманбет қажы Болатұлы жұма күнінің қарсаңында жақсы істі жалғастырды. Жуырда Қарағанды қаласына 80-жыл толуына орай қаламыздың мерейтойын ел болып атап өткен болатынбыз. Алланың қалауымен осыншама уақыт береке мен бірліктің, өсу мен өркендеудің жарқын болашағын қалыптастырып келе жатырмыз. Әрбір іс мақсатына қарай өлшенеді дегендей, ағымдағы жылдың аяғына дейін қаламыздың 80 жылдық мерейтойына байланысты «80 сауапты іс» бағдарламасын түзіп, оның алғашқы қадамын қарттар үйінен бастады. «Қарағанды қаласының Қазыбек би атындағы үйде әлеуметтік көмек көрсету бөлімшесі» коммуналдық мемлекеттік мекемесінде арнайы дәм дайындалып, оған он бес қазыналы қарттар қатыстырылды. Қариялармен емен-жарқын сұхбат құрған бас имам Орманбет қажы сабырлық пен ата-анаға құрмет көрсетудің діндегі орны жайлы насихат айтты. Шара барысында имамның ұйымдастыруымен құлақтан кіріп бойды алатын, жақсы ән мен тәтті күйді жас жеткіншектер ықыласпен орындап, шараға қатысып отырған қарияларға құрмет көрсетілді. Шынайы ниетпен жайылған дастархан басында ақ жаулықты аналар алғыстарын білдіріп, дін қызметкерлерінің ізгі істеріне береке тіледі. Шара соңында қашанда жақсы істің жаршысы болып жүретін жергілікті БАҚ өкілдеріне сұхбат берген бас имам алдағы күндерде «жақсы» істердің жалғасатындығына тоқталып өтті.

[gallery link="file" columns="2"] Қарағанды қалалық №1-мешітінің баспасөз қызметі

Мәзір
Сайт тілі
© 2009 – 2025 IHSAN.KZ | ҚМДБ Қарағанды облыстық «Әнет баба» мешіті Барлық құқықтар қорғалған. Ihsan.kz сайтында жарияланған кез келген материалды көшіру, тарату немесе басқа сайттарға орналастыру кезінде Ihsan.kz сайтына сілтемені міндетті түрде көрсетуді сұраймыз.

© 2025 Сайтты әзірлеген - abir.kz