Әз пайғамбарымыздың (с.ғ.с.) туған айы - Мәуліт барша мұсылман үшін ұлық мереке. Қиямет күні Хазіреті Мұхаммед (с.ғ.с.) Пайғамбарымыздың шапағатынан үміт ететін үмбеттері осы мерекені өз деңгейінде атап өтуде. Біздің Балқаш теміржолшылары мешітінің Бас имамы Әлімқұлов Медет қажының басқаруымен ақпан айының 21-жұлдызында, қасиетті жұма күні Мәуліт мерекесі өткізілді. Осы айтулы мерекеге Қарағанды облысының өкіл имамы Бекқожа Өмірзақ қажының бірінші орынбасары найб имам Қосмағанбетов Бекболат қажы жамағатқа өкіл имамның ыстық ықыласын жеткізіп уағыз-насихат жүргізді. Балқаш қаласының бас имамы Аманжолов Марат қажы мәуліт оқып, жұма намазын өткізді. Бұл мерекеге Балқаш қаласы балалар үйінен он алты бала және жетекшілері арнайы шақырумен келіп қатысты. Жұма намазынан кейін мешіт асханасында үлкен ас берілді. Осы мәуліт мерекесін өткізуге көмек қолын созған теміржолшылар ұжымына жамағат атынан алғысымызды білдіріп Алла разы болсын дейміз!