Ақпан айының 22- күні Ақжал кенті мешітінің Бас иамамы Әбілмашев Бағлан мырзаның ұйымдастыруымен Шұғыла мәдениет сарайында Мәуліт кеші өтті. Ауыл әкімі, NOVA – ЦИНК басшысы, ақсақалдар алқасы және Шет ауданы ішкі саясат маманы сөз сөйлеп жамағатты Мәуліт мерекесімен құттықтады. Осы айтулы мерекеге арнайы шақырумен келген Балқаш теміржолшылары мешітінің Бас имамы Әлімқұлов Медет қажы Пайғамбарымыздың (с.ғ.с.) өнегелі өмірінен уағыз айтып, мәуліт оқыды. Қарағанды облысының айтыскер ақыны Дидар Қамиев Мәуліттің қазақша нұсқасын және жүрек тербететін термелерін орындағанда көзіне жас алмаған жан қалмады. Мешіт шәкірттері хормен салауат айтып жиналған халықты таң – тамаша етті. Соңында ауыл имамы сөз сөйлеп көмектескен азаматтарға, халыққа рахмет айтып ризашылығын білдірді.

Балқаш теміржолшылары мешітінің баспасөз қызметі.