Қазақстан Республикасының Президенті, Елбасымыз Нұрсұлтан Әбішұлы Назарбаев халыққа жолдауында «Біздің тегіміз түрік, дініміз ислам, біз мұсылманбыз, оның ішінде Әбу Ханифа мәзхабын ұстанатын сүннитеріміз. Бабаларымыз ұстанған бұл жол ұлттық салт дәстүрді сыйлауға негізделген» деген болатын. Ауданда Елбасы жолдауын насихаттау бойынша жергілікті имамдар, мектеп директорлары, мектеп психологтері, сынып жетекшілері Осакаровка кенті мектептерінің 9-11 сынып оқушылары, прокуратура, ішкі істер бөлімінің қызметкерлері, ішкі саясат бөлімінің, жастар ісі жөніндегі орталықтың қызметкерлері және жұмыс істейтін жастар арасында дәстүрлі ислам дінінің құндылықтарын насихаттау, теріс діни ағымдардың әрекетінен сақтанудың жолын түсіндіруге бағытталған жоспарлы кездесу өтті. Осы кездесуге Қарағанды облысының өкіл имамы Өмірзақ қажы Қазкенұлы және республикалық ақпараттық насихаттау тобының мүшесі, «Нұрлы білім» қоғамдық бірлестігінің төрағасы, дінтанушы Сыздықов Рүстем Мәлікұлы дін мен ғылым егіз туынды тақырыбындағы уағыздарын насихаттады. Үгіт тобының жұмысын аудан әкімінің орынбасары Нұрлан Рымбайұлы жүргізіп отырды.