«Мені 6 жасымда шіркеу мектебіне берді. Мен шіркеудің қаражатымен өмір сүрдім десе де болады, өйткені менің ата-анам Индонезиядағы ірі шіркеулердің негізін қалаушылар»,- деп Youtube желісіндегі видеороликте бұрынғы католик Ирена Хандано ағынан жарылады. «Жеткіншек кезімде Дева Мария атындағы шіркеулік ұйымға кірдім. Бұл ұйымның мақсаты «адасқан қойларды» іздеу. Адасқан қойлар деп христиан еместерді айтады, және оларды христиан дініне шақыру үшін тынбай жұмыс істейміз. Арада бір жыл өткенде Индонезиядағы ірі христиан қозғалыстарының көшбасшысы болдым. Сосын монахиня қатарына кіру рәсімін жасадым. Менде ол уақытта, мұсылман боламын деген ой үш ұйықтасам түсіме кірмейтін. Керісінше, монахиня болу арманым еді және сол арманыма жеттім де. Бірақ осы мезеттен бастап Алла Тағала мені ақиқат жолына жетектей бастады. Мен христиан дін қызметкерлерін дайындайтын теология және философия Университетіне оқуға кеттім. Салыстырмалы дінтану бойынша оқылып жүрген дәрістерде ислам дінін – ақиқат діні емес, жаман дін ретінде түсіндірді. Олар: «Егер исламды танығыларын келсе, Индонезиядағы мұсылмандарға қарасаңдар да жеткілікті. Индонезияда кімдер кедей? Мұсылмандар. Индонезияда ақымақтар кім? Мұсылмандар. Кімдер жұма намазында аяқ киімдерін жоғалтады? Мұсылмандар. Кімдер бірлікті қаламайды? Мұсылмандар. Кімдер террористер? Мұсылмандар»- деп айтты. Менің барлық достарым, ислам-жаман дін деген шешім жасады. Сонда мен оларға дұрыс шешім жасамағандықтарын айттым. Менің ойым басқаша еді. Мен оларға тек Индонезияға ғана емес, басқа да елдерге қараңдар дедім. Мысалға, Филиппиныда, кедей сауатсыз адамдардың көпшілігі мұсылмандар емес, католиктер. Не болмаса кедей елдердің бірі Мексиканы алайық, ұры-қарылар, жәбірлеушілер, маскүнемдер, казиноға барушылар осылардың біреуі де мұсылман емес, керісінше католиктер. Католиктер мен протестанттар арасында конфликт орын алған Солтүстік Ирландияны алып қара, бір-бірін аяусыз қырып жатыр, бірақ олардың арасында мұсылман жоқ. Европалықтар оларды террористер деп ойлайды. Ал Италияда нашақор саудагерлері мен казино бастықтары мұсылмандардың арасынан емес. Мафияның барлық мүшелері – католиктер. Осының бәрін ойлап, бізге сабақ беретін пасторға келіп, оның ислам жаман дін деп келтірген дәлелдері негізсіз деп айттым. Осы жайттан кейін ислам дінін дерекнамалардан ізденіп оқуға бел будым. Пастор маған тек қана осы діннің осал тұстарын табуға талпынсаң ғана оқы деп келісімін берді. Мен Құранның Құдай-жалғыз деген тұстарын оқи бастадым. Құдай жалғыз деп жазылғаны бізді шіркеуде оқытқан үштікке қарама-қайшы келеді екен. Түнде мен Құдайдың жалғыз екендігі жайында жазылған «Ықылас» сүресін оқыдым. Ал таңертең шіркеудегі әкей: «Құдай- жалғыз, бірақ үш кейіпте»-деп айтты. Келесі түнде мен тағы да исламды зерттей бастадым. Жүрегімнің түбінде мен Құдайдың бір екендігіне, жалғыз екендігіне кәміл сендім. Пастор мен монахиня бол тұра үштіктің не екендігін әлі күнге шейін түсінбегеніме таң қалды. Маған үшбұрыш салып, үшбұрыштың үш бұрышы болса, сол сияқты Құдайдың үш кейіпі бар,-деді. Мен: «Әлем екпіндеп даму үстінде, және Құдай жалғыз өзі бәріне қарай алмайды. Оған тағы бір кейіп қажет болуы мүмкін бе?-дедім. Сосын төртбұрыш салдым да: «Болуы мүмкін, себебі төртбұрыш біреу, бірақ төрт бұрышы бар». Ұстазым: «Олай болуы мүмкін емес, бұл догмат»-деп жауап берді. Содан соң, «Егер сен Құдайдың үшбірлігін түсінбесең, сен оны қабылда, оған сен және артық сұрақтар қойма. Егер сен сұрақтар қойып күмән келтіретін болсаң, күнә жасайсың»-деді. Бірақ түнде мен тағы да Құран оқи бастадым. Ертеңінде ұстазыммен Құдайдың жалғыздығы жөнінде тағы да әңгімелескім келді. Мен одан: «Бұл үстелді кім жасады?»-деп сұрадым. Ол үндемеді. Мен: «Ұста. Бұл үстел қай уақытта жасалынса да, үстел ұста бола алмайды»-дедім. Ешқандай үстел ұстаға айналып кетпейді. Ол менің нені меңзеп тұрғанымды сұрады. Мен, Құдай барлық жаһандағы жанды және жансыз объекттерді, соған қоса адамдарды жаратты,-деп түсіндірдім. Және ешбір адам Құдай бола алмайды және Құдайға теңесе алмайды дедім. Сосын тағы бір мысал келтірдім: Егер әскер қатарындағы барлық сержанттар жиылып, араларынан генерал таңдаса, бұл тағайындаудың мүлдем заңды күші болмайды. Дәл сол сияқты, егер барлық адамдар жиналып, араларынан біреуді Құдай етіп тағайындағанмен, ол Құдай бола алмайды. Одан кейін, мен оған 325 жылы Никей соборында Иса пайғамбар (ғ.с.) мен Құдайдың қатынасы әке мен ұлының қатынасындай екендігін анықтап, шіркеу қызметкерлері Иса пайғамбарды (ғ.с.) алғашқы рет Құдай деп жариялағанын, олардың оппоненті болған архиепископ Арий Иса пайғамбардың (ғ.с.) адам екендігіне және Құдайдың жаратылысы екендігіне шүбә келтірмегенін есіңе түсірдім. Және Библия кітабында үштік жайында бір ауыз сөз жазылмағанын айттым. Бұл әңгіме мен үшін бағытымның өзгеретін сәті болды. Әңгімеден кейін түйгенім, Құдайдың үшбірлігі – адамдардың ойлап тапқан сандырағы екен. Христиан дініне деген сенімім жоғалып түбегейлі ислам дініне бет бұрып, мұсылман атандым. Islamnews сайтынан алынды

Аударған: Тотия Енсебаева