Қарағанды өңірі бойынша өкіл имам Бекқожа Өмірзақ қажы Қазкенұлы аймақ мешіттерінің тыныс-тіршілігімен танысып қайтты. Атап айтсақ, Бұқар жырау ауданына қарасты Ақтөбе, Тегісжол, Жаңаталап, Қызылжар ауылдарының жай-жапсарын көріп аралап қайтты. Әр мешіттің ішкі-сыртқы тазалығына, жұмыс тәртібіне, жылу жүйесіне аса мән беріп, имам деген атқа кір келтірмей соған сай елмен жақын болып, аянбай қызмет жасауға шақырды. Осы күнге дейін атқарылып келген шараларды жандандырып, онан әрі біріге отырып жалғастыру қажеттігіне баса назар аударды. Өкіл имам Өмірзақ Қазкенұлы елдің бірлігі мен асыл дініміз исламның кең қанат жаюына қолдау білдіретіндігін жеткізді.

Тотия Енсебаева Қарағанды облыстық орталық мешітінің баспасөз қызметі