4 наурыз күні Шахтинск қаласына қарасты Шахан кентінің мәдениет сарайында Шахтинск қаласының бас имамы Қоныскерей қажы Құмарұлы, Саран қаласының бас имамы Мұхаметқали қажы Салықов және Шахан кентінің әкімі Мұрат Жақыпов кенттегі мектептердің жастарымен кездесіп, жат ағымдардың зияны жайлы үгіт – насихат жүргізіп, Ислам дінінің құндылықтары туралы кең ақпарат берді. Кездесуді жастарға жат ағымдардың адамды қандай жолға бастайтындығын, оның салдарынан пенде нендей қиыншылықтарға, зұлымдықтарға тап болып жатқандығын әшкерелейтін қысқа метражды телебағдарлама көрсетілді. Бұдан жастар такфиршілердің және жихадшылардың өмірге, қоғамға тигізіп жатқан зиянын ұғынды. Оларға бас имамдар өздерінің ғибратқа толы әңгімелерін, сондай – ақ Пайғамбарымыз (с.ғ.с) өсиеттерін де жеткізді.
[gallery link="file" columns="2"] А.ТұржановИмамдар жастармен кездесті