Отан баршамызға ортақ қасиетті мекен болғандықтан отанның тыныштығы мен тәуелсіздігін сақтау әрбіріміздің азаматтық борышымыз. Осы мақсатта Қарағанды облысы орталық мешітің ұстазы Әл-Азһар Ислам университетінің түлегі Тағаев Нұрбол наурыз айының 7- жұлдызында Ішкі істер басқармасының қызметкерлерімен кедесіп, діни ахуал жайында ақпараттық насихат жұмысын жүргізді. Кездесу барысында дәстүрлі ислам мен теріс ағым жайында кеңінен түсіндіре келе, айырмашылықтарына тоқталды. Салафилиік ағыммен қоса теріс пиғылдағы ағымдардың қоршаған ортаға тигізер зияны жайында кеңінен түсіндіріп өтті. Шахтинск қаласы «Нұр» мешіттің бас имамы Хумар Коныскерей діни экстремизмнің зардаптарымен оған қарсы қандай шара қолдануға болатынынын айтып өтті. Шахинск қаласы Ішкі істер басқармасының орынбасары Ахметов Бақытжан Хайроллаұлы кездесу соңында барлығымыздың міндетіміз еліміздің тыныштығы, халқымыздың амандығы дей келе рахметін білдірді.

А.Тұржанов