Көктем келіп, күн жылуын сезе бастағаннан бері жақсы жаңалықты көп естиміз. Сондай жағымды жаңалықтардың бірі наурыз айының басында орын алды. Кәсіпкер Роза Жұмағұлова апайымыз жанұясының атынан Нұра аудандық мешітіне жаңа Нива автокөлігінің кілтін сыйға тарту етті. Дана халқым «Жақсының жақсылығын айт, нұры тасысын» дейді ғой. Нұра ауданының жамағаты жиналып, қуанып алғыстарын білдірді. Себебі, уағыз-насихат жұмыстарымен шалғай жатқан ауыл-аймаққа қатынау кейде қиынға түсіп жататындығы бар. ҚМДБ-ның Қарағанды өңірі бойынша өкіл имамы Бекқожа Өмірзақ Қазкенұлы арнайы барып, жақсы ниетін білдіріп, құттықтап қайтты. Роза апайымыздың ісі оңынан басып, ізгі амалдарының сауабына кенеле берсін дегіміз келеді!

Қарағанды облыстық орталық мешітінің баспасөз қызметі