Бүгінгі таңда қайырымдылық шараларын атқару дін қызметкерлерінің күнделікті дағдылы істеріне айналды. Дін мен дәстүр сабақтастығын іс жүзінде амалға асыру мақсатында №1-мешіт тарапынан «Қарағанды қаласының Қазыбек би атындағы үйде әлеуметтік көмек көрсету бөлімшесі» коммуналдық мемлекеттік мекемесінде жалғызбасты қарияларға дастархан жайылып, наурыз көжеден дәм татқызылды. Қарияларды әз-наурыз мерекесімен құттықтаған бас имам Орманбет қажы Болатұлы дәстүрге енген мерекенің өзіндік қырлары мен оның береке бірлікке бастайтын тұстарын тілге тиек етті. Ақ мол, ұлыс оң болсын деп тілектер айтылып, аналарға ақ жаулықтар сыйға тартылды. Қариялар өздеріне осындай жылы ілтипат пен шынайы құрмет көрсетіп отырғандарына ризашылығын білдіріп, дін қызметкерлеріне алғыстарын білдірді. Осындай игі шараларды аталмыш мекемеде өз кезегінде тұрақты атқару №1-мешіттің дәстүріне айналған.

Қарағанды қалалық №1-мешітінің баспасөз қызметі