ҚМДБ-ның Қарағанды өңірі бойынша өкіл имамы Қарағанды облыстық орталық мешіттің Бас имамы Өмірзақ қажы Қазкенұлы іс-сапармен Бұқар жырау ауданына келді. Өкіл имамды аудан имамы Аманбол қажы Рымқұлұлы және жергілікті әкімі Болатбек Қазатайұлы күтіп алды. Өзінің бір күндегі арнайы сапарында Бұқар жырау ауданына қарасты екі - үш мешітті арнайы көріп, ауыл мешіттерінің тұрмыс тіршілігімен танысты. Ондағы діни ақуалға ерекше көңіл бөліп, көзбен көруді жөн санаған өкіл имам биыл алғаш ұйымдастырылған Ақтөбе ауылындағы Мауліт мерекесіне қатысып ауыл жамағатын құттықтап, әсерлі уағыз айтып, Бас Муфти Ержан қажы Малғажыұлының «Дін мен дәстүр» атты кітабын тағы да басқа діни әдеби қол жете бермейтін құнды кітаптар сыйлады. Арнайы ат басын бұрып осы күні Қызылжар ауылдық мешіттің ақуалын көрді. Қызылжар ауылы Ростовка ауылына қарасты бөлімше.Кішкене ауыл болса да бетке ұстайтын ауыл. Кейбір ауыл емес аудан орталықтарында бола бермейтін жағдай жасалған кірсе шыққысыз мешітке арнайы келген өкіл имам мешіттің іші-сыртын аралап он бағасын беріп көңілдегі қуанышын ақ батамен жеткізді. Ауыл имамы Хумар Бақытжан ағада алғысқа лайық азамат, жақсының жақсылығын айт нұры тассын деген.Мешітке бйыл жазда күрделі жөндеу жұмысын жүргізіп, мешіт сыртын қаптап, күмбезін ауыстырып, сырттан көргенге көз тоярлық көрініс берген мешіт ішіде толықтай жанарып, еден асты жылумен біргелкі жайнамаз төсете білді. Айта берсе ауыз толтырып айтатын шараларға мұрындық болып жүрген имамдарға ауыл жамағаты да дән риза.